Month: January 2021

Արևմտյան դպրոցի վերնատանը հյուրընկալեցինք Արևելյան դպրոցի մի խումբ ճամբարականների: Սկզբում ծանոթացանք-ընկերացանք, իսկ հետո սկսեցինք ազգային խաղեր խաղալ:

Ի՜նչ լավ է, որ կարողանում ենք սովորել մեր ընկերներից:

5-րդ ջոկատի հետ մեր համագործակցությունը կարծես լավ է ստացվում: Այս անգամ էլ փորձում ենք սովորել ռուբիկ-կուբիկ հավաքել 2-րդ դասարանցի Արեգից և իր եղբորից (տեսանյութը՝ շուտով):

Ջա՜ն, օրը սկսում ենք սիրելի հեծանվավարության պարապմունքով:

Առավոտյան ճամբարականները ընկեր Մադլենի հետ մի լավ մարզվեցին ու սկսեցին հեծանիվ վարել: Ուրախ առավոտ ստացվեց:

Հետո գնացինք դասարան ու սկսեցինք բանավոր հաշվարկներ կատարել, խնդիրներ հորինել: Խնդիրներ հորինելիս մի տարօրինակ բան նկատեցինք. բոլոր խնդիրնեը ուտելիքների մասին էին ստացվում: Պարզվեց, որ քաղցած ենք:

Նախաճաշից հետո հյուրընկալեցինք միջին դպրոցի սովորղներին և ընկեր Տաթևին: Նրանք մեզ սովորեցրին թղթից թիթեռնիկ պատրաստել և խոստացան էլի գալ մեզ մոտ և նոր բաներ սովորեցնել:

6-րդ ջոկատի ճամբարականները սովորում են թղթից թիթեռ պատրաստել իրենց ավագ ընկերներից: Մեր ճամբարականները շատ են սիրում տեխնոլոգիական աշխատանքներ կատարել այդ պատճառով էլ մեծ սիրով հյուրընկալել էին ընկեր Տաթևին և միջին դպրոցի մի քանի սովորողներին՝ Գուրգենին, Թադոսին և Լեոնին:

Մարզական ստուգատեսին ընդառաջ ընկեր Մադլենի հետ հեծանիվ ենք վարում:

Ազգագրական փառատոնի շրջանակներում 6-րդ ջոկատի ճամբարականները այցելեցին Հայաստանի Փայտարվեստի թանգարան: Այնտեղ նրանք տեսան տարբեր կենցաղային առարկաներ, ազգային ,երաժշտական գործիքներ, որոնք պատրաստված էին փայտից: Տեսան նաև հայկական հեքիաթների հեոսներով փոքրիկ խաղալիքներ:

Ճամբարականները հատկապես տպավարոված էին գդալների մեծ հավաքածուով: Մեզ այնտեղ պատմեցին, որ հնում եղել են շատ մեծ գդալներ, որոնցքվ տղամարդիկ խառնել են կերակուրները: