January 3, 2021 – Մարիամ Խաչատրյան

Նախագծի իրականացման ժամանակահատվածը՝ հունվարի 14-15

Մասնակիցներ՝ Արևմտյան դպրոցի Մաթեմատիկոս-հայրենագետների ջոկատի սովորողներ և 6-րդ ջոկատի ճամբարականները

Նպատակը՝

Համագործակցային կարողությունների ձևավորում և զարգացում
Մտքի ճկունացում
Տրամաբանական մտածողության զարգացում
quizizz.com ուսուցողական խաղերի ծրագրի յուրացում
Սովորողների կողմից նոր գիտելիքների ձեռք բերում
Սովորողների կողմից ունեցած և ձեռք բերված գիտելիքների ամրապնդում
Միմյանց լսելու կուլտուրայի ձևավորում
Ավագ ընկերոջից նորը սերտելու պատրաստակամություն
Սովորղների կազմած խնդիրներից կազմել տարաբնույթ օնլայն ուսուցողական խաղեր ու կներկայացնել Բնագիտատեխնիկական ստուգատեսին։

Նախագծի ընթացքը․
Մաթեմատիկոս-հայրենագետների ջոկատի ճամբարականները կսովորեցնեն quizizz.com ուսուցողական խաղերի ծրագրով պատրաստել <<Աշխարհագրություն+մաթեմատիկա>> օնլայն ուսուցողական խաղ։ Նախ միասին կքննարկեն մի շարք երկրների մայրաքաղաքներ, կսովորեցնեն, թե ինչպես երկրները ըստ իրենց մեծության դասավորել աճման կարգով(փոքրից մեծ հերթականությամբ) և հակառակը դասավորել նվազման կարգով(մեծից փոքր հերթականությամբ)։ Դա կանեն գլոբուսի տեսք ունեցող փոքրիկ գնդակի միջոցով։ Սովորողներից մեկը մի երկրի անունն է բարձրաձայնում ու գնդակը նետում է մասնակիցներից որևէ մեկին, ով պետք է նշի այդ երկրի մայրաքաղաքը։ Ճիշտ գուշակելու դեպում նա նշում է որևէ երկրի մայրաքաղաք ու գնդակը նետում է մասնակիցներից որևէ մեկին, ով պետք է նշի, թե դա որ երկրի մայրաքաղաքն է։ Սովորողները թվարկած երկրները և մայրաքաղաքները կդասավորեն աճման, հետո նվազման կարգով։ Որից հետո quizizz.com ծրագրով կսովորեցնեն այդպիսի օնլայն ուսուցողական խաղ ու կներկայացնել Բնագիտատեխնիկական ստուգատեսին։

Արդյունքը կամփոփվի բլոգում: