Մարիամ Խաչատրյան

Ջա՜ն, օրը սկսում ենք սիրելի հեծանվավարության պարապմունքով:

Առավոտյան ճամբարականները ընկեր Մադլենի հետ մի լավ մարզվեցին ու սկսեցին հեծանիվ վարել: Ուրախ առավոտ ստացվեց:

Հետո գնացինք դասարան ու սկսեցինք բանավոր հաշվարկներ կատարել, խնդիրներ հորինել: Խնդիրներ հորինելիս մի տարօրինակ բան նկատեցինք. բոլոր խնդիրնեը ուտելիքների մասին էին ստացվում: Պարզվեց, որ քաղցած ենք:

Նախաճաշից հետո հյուրընկալեցինք միջին դպրոցի սովորղներին և ընկեր Տաթևին: Նրանք մեզ սովորեցրին թղթից թիթեռնիկ պատրաստել և խոստացան էլի գալ մեզ մոտ և նոր բաներ սովորեցնել:

6-րդ ջոկատի ճամբարականները սովորում են թղթից թիթեռ պատրաստել իրենց ավագ ընկերներից: Մեր ճամբարականները շատ են սիրում տեխնոլոգիական աշխատանքներ կատարել այդ պատճառով էլ մեծ սիրով հյուրընկալել էին ընկեր Տաթևին և միջին դպրոցի մի քանի սովորողներին՝ Գուրգենին, Թադոսին և Լեոնին:

Մարզական ստուգատեսին ընդառաջ ընկեր Մադլենի հետ հեծանիվ ենք վարում:

Ազգագրական փառատոնի շրջանակներում 6-րդ ջոկատի ճամբարականները այցելեցին Հայաստանի Փայտարվեստի թանգարան: Այնտեղ նրանք տեսան տարբեր կենցաղային առարկաներ, ազգային ,երաժշտական գործիքներ, որոնք պատրաստված էին փայտից: Տեսան նաև հայկական հեքիաթների հեոսներով փոքրիկ խաղալիքներ:

Ճամբարականները հատկապես տպավարոված էին գդալների մեծ հավաքածուով: Մեզ այնտեղ պատմեցին, որ հնում եղել են շատ մեծ գդալներ, որոնցքվ տղամարդիկ խառնել են կերակուրները:

6-րդ ջոկատի ճամբարականները իրենց լողի հմտություններն են ցուցադրում:

Նոր սեղանի խաղեր են բերել 6-րդ ջոկատի ճամբարականները: Նրանք այս խաղերը շատ են սիրում: Երբ գալիս է օրվա ընթացքում խաղերի ժամը շատ արագ խմբերի են բաժանվում ու սկսում են խաղը: Արագ սովորեցնում են ընկերներին խաղի կանոնները և սկսում են խաղալ: