Այսօր էլ Արևմտյան դպրոց-պարտեզի 5 տարեկանները փորձեցին գրել ու նկարել աղով: Նրանք մի էիչ աղ լցրին սեղանին ու մատիկներով սկսեցին գրել իրենց ծանոթ բառերը: Հետո էլ սկսեցին նկարել: Սար բառի կողքին սար նկարեցին, տուն բառի կողքին էլ տուն: Շատ զվարճալի ու միևնույն ժամանակ ուսուցաղական եղավ այս գործունեությունը սովորողների համար: Նրանք կրկնեցին իրենց անցած բառերը առանց ավելորդ լարվածության:
Իսկ ո ՞վ է ասել, որ պարտադիր է նկարելու համար ունենալ թուղթ, մատիտ կամ էլ համակարգիչ: Արևմտյան դպրոց-պարտեզի 5 տարեկաններն այսօր նկարեցին պոլիէթիլենային մի մե՜ծ տոպրակի վրա: Այնքան լավ էր՝ ոչ ոք չէր բողոքում, որ իր թուղթը փոքր է, չի կարողանում մեծ պատկերներ նկարի: Նկարում-նկարում էին ու հենց տեղը չէր հերիքում մի փոքր այնկողմ էին գնում ու էլի շա՜տ տեղ կար նկարելու: Իսկ ջրաներկով նկարելիս վրձինի փոխարեն մատիկներն օգտագործելը, նրանց համար սովորական բան է արդեն: Հավե՜ս նկարչություն ստացվեց: Նկարեցինք առանց սահմանների, նկարեցինք ինչ ուզում էինք ու ինչպես ուզում էինք: Վերջում վառվռուն պատկերներ ստացանք ու ուրախ տրամադրություն:
Ընկույզ ուտել սիրում են բոլորը, իսկ ընկույզով խաղալ քչերը գիտեն: Այսօր ընկույզով խաղեր խաղացինք: 5 տարեկաններն անգամ փորձեցին ինքնուրույն խաղեր մտածել: Շատ հետաքրքիր և ուրախ ժամանակ անցկացրինք: Ընկույզով խաղալը մեզ շա՜տ դուր եկավ:
Շաբաթը մեզ մոտ դդմային է: Դդումի օգտակարության մասին խոսելուց և դդմային կերակրատեսակները քննարկելուց հետո, ջրաներկով փորձեցինք դդումներ նկարել: Թեև բոլորն էլ դդում էին նկարել, բայց աշխատանքները տարբեր էին և յուրահատուկ: Սովորողներից մի քանիսը դդմային կերպարներ էին նկարել, որոշները դդումը նկարել էին տարբեր բանջարեղենների կողքին: Հետաքրքիր էր նաև, որ սովորողները աշխատանքի ընթացքում օգնում էին իրար, խորհուրդներ տալիս, քննարկում ու պատմում իրենց աշխատանքները:
Արևմտյան դպրոց-պարտեզի բակը ներկվել է սպիտակ գույնով: Շուրջբոլորը ծածված է ձյան շերտով: Մենք առիթը բաց թողնել չէինք կարող և գլխարկ ու ձեռնոց հագած իջանք բակ՝ վայելելու ձյունով խաղալու հաճույքը: Մի լավ խաղացինք, սահնակով սահեցինք, ձնեմարդուկ պատրաստեցինք: Ձյունից հագենալ չէր ստացվում:
Արևմտյան դպրոց-պարտեզի 5 տարեկանները նկարել շա՜տ են սիրում: Այս անգամ էլ մատիտի ու վրձնի փոխարեն օգտագործեցին իրենց մատիկները: Շատ հետաքրքիր ստացվեց: Աշխատանքի ավարտին ձմեռային նկարներից բացի ունեցանք նաև գարնանային գունեղ նկարներ: Արդյունքը գոհացնող էր, իսկ աշխատանքի ընթացքը իսկական հաճույք:
Արդեն ձմեռ է, բայց ձյունն իրեն կարծես սպասել է տալիս: Այդ պատճառով էլ 5 տարեկանները այսօր արհեստական ձյուն պատրաստեցին և մի լավ խաղացին ձյան հետ: Մեկը ձնեմարդ պատրաստեց, մեկը՝ ձնագնդիկներ, մեկն էլ ուղղակի ձյունը մի լավ թաթիկներով տրորեց ու խաղաց: Շա՜տ հավես էր:
Տեսանյութը՝ Լիլիթ Մովսիսյանի
Այսօր էլ հանգստի ժամին որոշեցինք աշխատել: 5 տարեկաններն իրենց հանգիստը վայելեցին տարբեր գործունեություններով զբաղվելով: Նախ յուրաքանչյուր սովորող ընտրեց, թե ինչով է ուզում զբաղվել, հետո անցավ գործի: Ունեինք ընտրության շատ տարբերակներ՝ նկարչություն, ծեփ, տեխնոլոգիական աշխատանք հատիկներով, կառուցողական խաղեր, նկարազարդ գրքերի ուսումնասիրում:
Տեխնոլոգիական աշխատանքները մեր 5 տարեկանների ամենասիրելի զբաղմունքներից են: Նրանք հիանում են, երբ մի քանի պարզ քայլերի միջոցով գունավոր թղթերից ինչ-որ կենդանի, ծաղիկ կամ բացիկ ենք ստանում: Այս անգամ էլ հեքիաթային օձ պատրաստեցինք: Աշխատանքի ընթացքում փորձեցինք զարգացնել նաև համագործակցելու կարողությունը: Սովորողներից յուրաքանչյուրը ստացել էր 2 գույնի թուղթ, բայց նրանց աշխատանքները բազմագույն էին, քանի որ նրանք իրենց կտրած շերտիկները փոխանակում-նվիրում էին իրենց ընկերներին:
Օրեր առաջ Արևմտյան դպրոց-պարտեզի 5 տարեկանները ինքնագլորներով շքերթ կատարեցին Բախշյանի այգում:
«Մխիթար Սեբաստացի» կրթահամալիր, Արևմտյան դպրոց-պարտեզի 1.3 դասարանի մեդիամիջավայր, հասցե՝ ք. Երևան, ՀԱԹ, Ա. Բաբաջանյան 38/1, hեռ.` +374(10)74 21 72, էլ. հասցե` khachatryan.mariam@mskh.am
Մխիթար Սեբաստացի կրթահամալիր, Արևմտյան դպրոց, երկրորդ դասարանի դասվար
Լուսինե Փաշայանի բլոգ
«Մխիթար Սեբաստացի» կրթահամալիր Արևմտյան դպրոց, 2-րդ դասարան
«Մխիթար Սեբաստացի» կրթահամալիրի Արևմտյան դպրոց-պարտեզ 1.2 դասարան: Հասցե՝ Հայաստան, Երևան, Հարավարևմտյան զանգված, Ա.Բաբաջանյան 38/1 հեռ. +374 (10) 74 21 72:
3-րդ դասարանի ուսուցման խումբ 2020-2021 ուստարի Հասցե` Հայաստան, Երևան, Հարավարևմտյան զանգված, Ա. Բաբաջանյան 38/1 Հեռ` +374 (10) 74 21 72 Էլ. փոստ` dproc-partez@mskh.am
Մարիամ Խաչատրյան 