Օրը՝ 15.01
Մասնակիցները՝ Արմտյան դպրոց-պարտեզիի 2.3 դասարանի սովորողներ, Արևելյան դպրոց-պարտեզի 2.4 դասարանի սովորողներ / Արմինե Մովսիսյան և ընկերներ/
Վայրը՝ Արևտյան դպրոց-պարտեզի ֆուտբոլի դաշտ
Նպատակը՝
համագործակցելու կարողության ձևավորում
ազգային մշակույթի ճանաչում, յուրացում, փոխանցում, տարածում
ընկերական հարաբերությունների ստեղծում
Ընթացքը՝
սովորողները կհանդիպեն Արևտմյան դպրոց-պարտեզի ֆուտբոլի դաշտում, կծանոթանան միմյանց հետ, կբաժանվեն խմբերի և կսկսեն խաղալ իրենց արդեն ծանոթ ազգային խաղերը:
Ազգային խաղերի ընտրանի
Աղջիկ փախցնոցի
Երեխաները զույգերով իրար ետևից կանգնում են` զույգերի ձեռքերն վերև պահած` ափերն իրար մեջ: Նրանցից մեկը, ով զույգ չունի, գալիս է առաջ ու, նրանց արանքով անցնելով, բռնում է որևէ մեկի ձեռքից, երկուսով գնում են, կանգնում վերջում, իսկ այն մասնակիցը, ում զույգին տանում են, գալիս է առաջ ու կատարում նույն գործողությունը:
Աչքկապուկ
7-20 խաղացողներ իրենցից մեկի աչքերը կապում են և շրջապատելով սկսում կսմթել: Կապվածը ձգտում էր նրանցից մեկին բռնել և իր դերը նրա հետ փոխել:
Աքլորակռիվ
Գծում են շրջան, որի մեջ «աքլորները», մեկ ոտքի վրա ցատկոտելով կռվելու են՝ ուսով դիմացինին հրելով: Նրանցից մեկը մյուսին շրջանից դուրս է հանում: Ցանկալի է՝ մյուս ոտքը գետնին չհպել, բայց, փոքրերի դեպքում, կարելի է հոգնած ոտքը փոխել: Հերթով խաղում են ցանկացողները: Պարտվողներ չկան, կա միայն ուրախ խաղ: Դիտողները կողքից վանկարկում են.
- Տիկ – տիկ – տիկ, գարի կտանք, ցորեն կտանք,
- Տիկ – տիկ – տիկ, գարի կտանք, ցորեն կտանք:
Մուկն ու կատուն
Խաղում են 20-25 հոգով: Երեխաներից մեկը ընտրվում է մուկ, մյուսը` կատու: Երեխաները ձեռք ձեռքի բռնած՝ շրջան են կազմում, մուկը վազում է շրջանի շուրջը` կատվից փախչելով: Երեխաներն օգնում են մկնիկին, որպեսզի մտնի շրջանի մեջ, որ կատուն չկարողանա բռնել նրան: Երբ բռնում է, ուրիշ զույգ է դառնում մուկ ու կատու:
Օգտագործված աղբուրը՝
«Իմացումի հրճվանք» ծրագրի 2-3-րդ դասարանների ղեկավարների լաբորատորիա
Նախագիծը գտնվում է մշակման փուլում
Մարիամ Խաչատրյան 