Մենթորական աշխատանքները շարունակվում են: Նոյեմբեր ամսվա ընթացքում ևս ամեն շաբաթ հանդիպում-քննարկում ենք ունեցել, աշխատել ենք առցանց հարթակում: Այս ամիս մենթոր-ուսուցչի՝ Լուսինե Փաշայանի խորհրդով շատ ժամանակ եմ հատկացնում ընթերցանությանը:
Ընթերցում եմ հոդվածներ «Դպիր» ամսագրից, դիտարկումները հրապարակում եմ բլոգիս համապաասխան բաժնում: Նաև ընթերցում եմ Ջանի Ռոդարիի «Ստեղծագործական երևակայության քերականություն» գիրքը: Քննարկում ենք նաև իմ կողմից հրապարակված աշխատաժամանակները, անհրաժեշտության դեպքում կատարում ենք փոփոխություններ: Աշխատաժամանակում տեղ գտած գործունեությունները սկսել եմ դիտարկել որպես մի ամբողջության առանձին փուլեր: Նրա խորհրդով փորձում եմ տրամաբանորեն կապակցել գործունեությունները, կատարում եմ նախապատրաստական աշխատանքներ: Օրինակ, եթե մտադրված եմ սովորողներին առաջարկել աշուն նկարել, նախ կատարում եմ նախապատրաստական աշխատանք, զրույց, զբոսանք, տեսանյութի դիտում և այլն: Փորձում եմ նախապես ավելի մանրակրկիտ պատրաստվել պլանավորված աշխատանքներին: Տեխնոլոգիական աշխատանքների համար նախապես միշտ պատրաստում եմ անհրաժեշտ պարագաները, մարզական խաղերի համար էլ՝ գույքը:
Մարիամ Խաչատրյան 