Այսօր առավոտյան մենք հանդիպեցինք ճամբարականներին դպրոցի բակում: Նրանց հետ կատարեցինք շրջակա միջավայրի մաքրման աշխատանքները:Արդեն հասցրել ենք ընկերանալ փոքրիկ ճամբարականների հետ և մաքրությունից հետո սկսեցինք բակային խաղեր խաղալ: Խաղերից հետո նրանց ուղեկցեցինք ներս, որպեսզի լվացվեն և նախաճաշեն:
Նախաճաշից հետո եկավ երեխաների ամենասիրելի ժամը: Նրանք արագ հագան իրենց լողազգեստները և սկսեցին լողալ:
Այնուհետև գնացինք դասասենյակ, որտեղ ես իրականացրեցի իմ պատրաստած նախագիծը: Ճամբարականների հետ զրուցեցինք ընկերասիրության մասին, կարդացինք և քննարկեցինք «Վատ ընկերը» առակը: Քննարկումից հետո նրանք սկսեցին նկարել առակի հերոսներին և մենք ստացանք գլուխկոտրուկներ մեր ճամբարականների ձեռքերով պատրաստված:
Նրանք նաև մասնակցեցին ընկեր Օֆելյայի պատրաստած նախագծին, որի ընթացքում ծանոթացան Հայաստանի մարզերին և պատրաստեցին քարտեզ:
Նախագծերի իրականացումից հետո երեխաները գնացին ճաշելու:
Երեխաների հետ աշխատելիս թվում է՝ պետք է հոգնենք, բայց հակառակը՝ նոր ու դրական լիցքեր ստացած գնում ենք տուն՝ պատրաստվելու վաղվան:
Մարիամ Խաչատրյան 